"Bəzi inqrediyentləri əvəzləməklə burgerləri daha faydalı etmək olar".
Oxu.Az aif.ru-ya istinadən xəbər verir ki, bunu diyetoloq, nutrisioloq Sofiya Kovanova deyib.
O izah edib ki, ənənəvi fastfudda karbohidratlar və yağlar termiki emal yolu ilə birləşdiyinə görə faydalı heç nə yoxdur: "Belə qida qanda şəkərin kəskin artmasına, ardınca isə güclü iştahaya səbəb olur".
"Burgeri faydalı etməkdən ötrü bulkanı kahı yarpağı ilə əvəzləmək, pendirdən imtina etmək, habelə ikiqat tərəvəz porsiyası əlavə etmək mümkündür. Sous üçün mayonezsiz xardal və ketçupu qarışdırmaq olar", - deyə diyetoloq vurğulayıb.
Ekspert əlavə edib ki, kafedə hamburgerdən qabaq bir porsiya salat yeməklə fastfudun ziyanını azaltmaq mümkündür.
