Burkina-Faso hökuməti Avropa İttifaqını (Aİ) təmsil edən iki diplomatı persona non-qrata (arzuolunmaz şəxs) elan edərək, onların ölkədən getməsi üçün üçgünlük müddət müəyyənləşdirib.
Oxu.Az xəbər verir ki, bu barədə məlumatı Burkina Mətbuat Agentliyi (AIB) paylaşıb.
Agentliyin məlumatına görə, sərt tədbirlər Aİ nümayəndəliyi rəhbərinin müavini, siyasət, mətbuat və informasiya şöbəsinin müdiri, eləcə də nümayəndəliyin proqram rəhbəri barəsində atılıb. Həmin şəxslərin adları və bu qərarın verilmə səbəbləri hələlik açıqlanmır.
Xatırladaq k, iyunun 22-də Burkina-Fasonun Xarici İşlər Nazirliyi Avropa İttifaqının səfirini çağırıb. Diplomata ölkədə fikir azadlığının vəziyyəti və terrorizmlə mübarizə ilə bağlı Avropa Parlamentinin qəbul etdiyi qətnamə ilə əlaqədar etiraz bildirilib.
Bundan əlavə, iyunun 26-da Burkina-Faso Fransa ilə diplomatik münasibətləri kəsib və Parisin hərəkətlərini təxribatçı və terrorçu şəbəkələrə fəal dəstək və ölkədəki hadisələr barədə qərəzli məlumat verməsinin sübutu kimi göstərib. "Le Monde" nəşri öz mənbələrinə istinadən bildirib ki, münasibətlərin kəsilməsinə Avropa Parlamentinin qətnaməsi səbəb olub.
