CENIPA-nın mütəxəssisləri AZAL-ın qəzaya uğrayan təyyarəsinə görə Aktauya gəliblər

Braziliyanın Aviasiya Hadisələrinin Araşdırılması və Qarşısının Alınması Mərkəzinin (CENIPA) mütəxəssisləri Aktauya gəliblər.

Oxu.Az xəbər verir ki, bu barədə Qazaxıstan Nəqliyyat Nazirliyi məlumat yayıb.

Qeyd olunur ki, təhqiqat komissiyasının qərargahında iclas keçirilib, qəza yerində aparılacaq birgə araşdırma prosesinin detalları müəyyənləşdirilib.

Xatırladaq ki, dekabrın 25-də AZAL-ın Bakı-Qroznı reysini yerinə yetirən sərnişin təyyarəsi Qazaxıstanın Aktau şəhəri yaxınlığında qəzaya uğrayıb. Təyyarədə 62 sərnişin, 5 ekipaj üzvü olub.

Qəza nəticəsində 38 nəfər həlak olub, 29 nəfər sağ qalıb.