Çin Kommunist Partiyasının Mərkəzi Komitəsi və Dövlət Şurası qənaət və məmurların israfçılığı ilə mübarizə məqsədilə yeni əsasnamə qəbul edib.
Oxu.Az bu barədə TASS agentliyinə istinadən məlumat verib.
Belə ki, Çin hökumətinin üzvlərinə və partiya rəsmilərinə iş naharı zamanı bahalı yemək sifariş etmək, siqaret çəkmək və spirtli içki qəbul etmək qadağan olunub.
Sənəddə 63 maddə var və hökumət üzvlərinin, partiya nümayəndələrinin vəsaitlərdən səmərəli istifadəsi üçün nəzərdə tutulub.
Məsələn, 20-ci maddə vəzifəli şəxslərin müəyyən edilmiş limitdən artıq hədiyyələr, qiymətli kağızlar, ödəniş çekləri almasını, habelə xaricdə qumar oyunlarında iştirakını qadağan edir.
