Çinin özəl aerokosmik "LandSpace" şirkəti "Zhuque-3" (ZQ-3) kommersiya daşıyıcı raketinin uğurlu buraxılışını həyata keçirib.
Oxu.Az xəbər verir ki, bu barədə Çinin Mərkəzi Televiziyası (CCTV) məlumat yayıb.
Məlumata görə, ZQ-3 Çinin yalnız uğurla buraxılışı deyil, həm də quruya nəzarətli enişi icra edən ilk kommersiya buraxılış vasitəsi olub. Uçuş, yerli vaxtla səhər saat 07:35-də (Bakı vaxtı ilə səhər saat 03:35-də) ölkənin şimalındakı Szyuquan kosmodromundakı "Dunfen" buraxılış meydançasından baş tutub.
ZQ-3-ün ilk qurğusu Çinin şimal-qərbindəki Qansu əyalətinin Minszin dairəsində xüsusi hazırlanmış əraziyə planlaşdırılan vaxtda eniş edib. Bu nailiyyət Çinin təkrar istifadə edilə bilən daşıyıcı raketlərinin yaradılması üçün əsas texnologiyaların mənimsənilməsində əhəmiyyətli irəliləyiş hesab olunur.
