Çində torpaq sürüşməsi nəticəsində 30-dan çox insan itkin düşüb

Çinin cənub-qərbində, Siçuan əyalətində baş verən torpaq sürüşməsi nəticəsində 30-dan çox insan itkin düşüb.

Oxu.Az-ın xəbərinə görə, bu barədə "Sinxua" agentliyi məlumat yayıb.

Qeyd olunub ki, hadisə Pekin vaxtı ilə təxminən saat 11:50-də (Bakı vaxtı ilə 7:50) İbin bölgəsindəki kəndlərdən birində baş verib.

Sürüşmə nəticəsində 10 ev tamamilə torpaq altında qalıb.

Hazırda təbii fəlakətin baş verdiyi yerdə axtarış-xilasetmə əməliyyatları davam etdirilir.