Dağıstanlı bloqer video çəkmək üçün polisi ələ saldı

Rusiyanın Dağıstan Respublikasında yaşayan bloqer Şamil Kərimov hazırladığı prankla digər sürücülərin həyatını təhlükə altına atıb.

Oxu.Az xəbər verir ki, video sosial şəbəkədə paylaşıb.

Bloqer alüminium bankalardan hazırlanmış manekeni sükan arxasında oturdaraq avtomobili işə salıb.

Avtomobil bir neçə metr irəliləyəndən sonra vəziyyətdən xəbərsiz olan yol polisi əməkdaşı "Saxla" əmri versə də, avtomobil dayanmır və digər hərəkət iştirakçılarının həyatına da təhlükə törədir.

Bloqer isə kənardan soyuqqanlı şəkildə baş verənləri izləyir və hadisəni telefona çəkir.