Cizgi filmlərinin quruluşçu rəssamı Radna Saxaltuyev 90 yaşında Kiyevdə vəfat edib.
Oxu.Az xəbər verir ki, bu barədə ukraynalı kinoşünas Sergey Trimbaç "Facebook" hesabında məlumat paylaşıb.
Saxaltuyev Buryatiyanın paytaxtı Ulan-Ude şəhərində anadan olub.
1969-cu ildən rejissor David Çerkasski ilə birlikdə sovet və Ukrayna cizgi filmlərinin yaradılmasında iştirak edib.
Ən məşhur əsərləri arasında "Kapitan Vrungelin sərgüzəştləri", "Xəzinələr adası" və "Doktor Aybolit" var.
