Amerika Birləşmiş Ştatlarının rəhbəri Donald Tramp amerikalılardan "Amerikanı xilas etmək mandatı" əldə etdiyini və bu vəzifəni artıq icra etdiyini düşünür.
Oxu.Az xəbər verir ki, bu barədə o bu mövqeyini sentyabrın 10-da Dallas şəhərində Konqresə noyabr ayında baş tutacaq aralıq seçkisindən öncə təşkil edilən hakim Respublikaçılar Partiyasının milli qurultayındakı çıxışı zamanı ifadə edib.
"İki ildən az bir vaxt öncə xalq bizə Amerikanı xilas etmək mandatını həvalə etdi və mən 19 ay içində verdiyim bütün sözləri, zənnimcə, hətta ondan da çoxunu tutdum. Biz Amerika tarixində vergilərin ən böyük səviyyədə azaldılmasına, ABŞ tarixində dövlət tənzimləmələrinin ən kəskin ixtisarına imza atdıq, ölkənin bütün tarixi boyunca ordumuza ən nəhəng sərmayələri yatırdıq və Amerikanı qlobal miqyasda həm enerji, həm də hərbi fövqəlgücə çevirdik", - deyə Tramp bəyan edib.
Qeyd edək ki, ABŞ Konqresinə aralıq seçkisi noyabrın 3-də baş tutacaq. Bu siyasi proses zamanı Konqresin Senatındakı 100 yerdən 33-nün, eləcə də Nümayəndələr Palatasının bütün 435 üzvünün yenidən seçilməsi nəzərdə tutulur.
