PSJ-nin italiyalı qapıçısı Canluici Donnarumma Fransa çempionatının qarşıdakı iki oyununda komandasına kömək edə bilməyəcək.
Bu barədə Paris klubunun mətbuat xidməti məlumat yayıb.
24 yaşlı qolkiper Fransa çempionatının 14-cü turunda “Havr”la oyunda etdiyi kobudluğa görə diskvalifikasiya olunub.
Xatırladaq ki, qarşılaşmanın 10-cu dəqiqəsində C. Donnarumma ayağını icazə verilən həddən yuxarı qaldıraraq təhlükəli oynayıb və rəqibinin sinəsinə zərbə endirib. Nəticədə hakim onu meydandan qovub.
Beləliklə, qolkiper Fransa çempionatının 15-ci və 16-cı turunda “Nant” və “Lill” klubları ilə qarşılaşmalarda iştirak edə bilməyəcək.
Mənbə: Psg.fr
Rəylər