Dörd Avropa ölkəsi Aİ-dən 2,5 milyard avro pul tələb edir

Polşa, Litva, Latviya və Estoniya Avropa İttifaqını (Aİ) Rusiya və Belarusla sərhəddə 700 kilometrlik müdafiə xəttinin tikintisinə vəsait ayırmağa çağırıb.

Bununla əlaqədar dörd ölkə rəhbərliyinin Aİ-yə ünvanlandığı sənədin mətnində qeyd olunur.

Müdafiə xəttinin dəyəri 2,5 milyard avro dəyərində qiymətləndirilir.

"Avropa İttifaqının Rusiya və Belarusla xarici sərhədi boyunca müdafiə infrastrukturu sisteminin yaradılması Aİ-ni hərbi və hibrid təhlükələrdən qoruyacaq", - deyə sənəddə qeyd olunur.

Planlaşdırma və tikintinin NATO və onun hərbi tələblərinə uyğun həyata keçiriləcəyi bildirilir.

Mənbə: Reuters