Lionel Messi və dünya futbol ulduzlarının Bakı səfəri başa çatdı

Dekabrın 11-də futbol əfsanəsi Lionel Messi və dünya ulduzları Luis Suares, Serxio Buskets və Xordi Albanın Azərbaycana səfəri başa çatıb.

Oxu.Az xəbər verir ki, futbolçuları hava limanından iş adamı Adnan Əhmədzadə yola salıb.

Lionel Messi və dünya futbol ulduzlarının Bakı səfəri başa çatdı

Şəkillər PhotoStock.az-a məxsusdur.

17:37

Dekabrın 11-də futbol əfsanəsi Lionel Messi və dünya ulduzları Luis Suares, Serxio Buskets və Xordi Albanın Bakı Kristal Zalında fanatları ilə təşkil olunan görüşü başa çatıb.

Oxu.Az xəbər verir ki, futbol həvəskarları üçün təşkil olunan idman bayramı məşhur "Morandi" qrupunun çıxışı ilə davam edib.

Xatırladaq ki, minlərlə fanatın qatıldığı tədbirdə bilet satışından əldə olunan vəsait xeyriyyə məqsədinə yönəldiləcək.

14:16

Dekabrın 11-də Bakı Kristal Zalında futbol əfsanəsi Lionel Messi və dünya ulduzları Luis Suares, Serxio Buskets və Xordi Albanın görüşünə həsr olunan tədbir start götürüb.

Oxu.Az xəbər verir ki, pərəstişkarların dünya futbolunun ulduzları ilə görüşündən əvvəl səhnədə "Natiq" ritm qrupunun çıxışı olub. Daha sonra dünyaşöhrətli bəstəkar və müğənni Villi Uilyam konsert proqramını təqdim edib.

Qeyd edək ki, tədbirə bilet satışından əldə olunan vəsait isə xeyriyyə məqsədinə yönəldiləcək.

Mərahim Nəsib