Bu həftə Yer kürəsində radio rabitəsində problemlər yarana bilər.
Oxu.Az "Daily Mail"ə istinadən xəbər verir ki, NASA Günəşdə tünd plazmanın püskürməsini qeydə alıb.
"Soyuq püskürmə elektrik şəbəkəsində dəyişkənliyə gətirib çıxara bilər. Bu, radio, aviasiya və peyk rabitəsinin pozulmasına və Yer kürəsində elektrik enerjisinin kəsilməsinə səbəb ola bilər", - məlumatda bildirilir.
Mütəxəssislərin fikrincə, tünd plazmanın püskürməsi ilə hər şey bitməyəcək. Növbəti 24 saat ərzində yeni ortasəviyyəli Günəş püskürmələrinin başvermə ehtimalı 60% təşkil edir.
Qeyd edək ki, tünd plazma isti plazmadan daha aşağı temperatura malikdir. Onun temperaturu Farenheyt şkalası ilə 36 min dərəcəyə yaxındır.
