Ərdoğan: "Birləşmiş Ştatlar Ukraynanın NATO-ya üzv olmasını istəmir"

ABŞ və bir çox NATO ölkəsi Ukraynanın alyansa üzv olmasını istəmir.

Oxu.Az xəbər verir ki, bu sözləri Türkiyə Prezidenti Rəcəb Tayyib Ərdoğan Amerikanın "NBC" kanalına müsahibəsində deyib.

Türkiyə lideri vurğulayıb ki, Kiyevin alyansa qəbulu zamanı bu reallıqlar nəzərə alınmalı və ona uyğun qərar verilməlidir.

"Bu o məsələ deyil ki, tələsik qərar verilsin. Qərarlar qəbul edərkən biz təbii ki, bütün NATO üzvlərinin mövqeyini təhlil edirik və ona uyğun hərəkət edirik", - deyə R.T.Ərdoğan vurğulayıb.