Ərdoğan: "Malazgirt zəfərini qürur və həyəcanla qeyd edirik"

Türkiyə Prezidenti Rəcəb Tayyib Ərdoğan Malazgirt zəfərinin 953-cü ildönümünü münasibəti ilə təşkil edilən təntənəli tədbirdə çıxış edib.

Oxu.Az Türkiyə KİV-ə istinadən xəbər verir ki, Türkiyə prezidenti Malazgirt döyüşünün gələcəkdə yaranacaq Türkiyə dövləti üçün mayak rolunu oynadığını xatırladıb:

"Bu gün 85 milyon olaraq şanlı qələbənin ildönümünü qürur, minnətdarlıq və həyəcanla qeyd edirik".

Məlumat üçün əlavə edək ki, 1071-ci ilin 26 avqustunda baş tutan Malazgirt döyüşü Orta əsrlər Avropasının və Yaxın Şərq tarixində dönüş nöqtəsi hesab edilir. Belə ki, Malazgirt döyüşündə Sultan Alparslanın başçılıq etdiyi Böyük Səlcuq imperiyasının qoşunları sayca az olmasına baxmayaraq, Bizans imperiyasının ordusu üzərində qələbə qazanıb.

Ərdoğan: "Malazgirt zəfərini qürur və həyəcanla qeyd edirik"