"Ermənistan hakimiyyəti yüksək hərbi maaşlar haqqında danışarkən blef edir".
Oxu.Az xəbər verir ki, bunu sosial şəbəkə hesabında müxalif erməni deputat Tiqran Abramyan deyib.
Onun sözlərinə görə, Ermənistanın Baş naziri Nikol Paşinyanın hərbçilərin məvaciblərinin artırılması barədə söylədiyi fikirlər həqiqəti əks etdirmir.
Parlamentin müdafiə və təhlükəsizlik komissiyasının üzvü olan Abramyan bildirib ki, attestasiyadan keçən çox az sayda hərbi qulluqçunun maaşında dəyişiklik gözlənilir.
