Erməni deputat Türkiyə parlamentində dava saldı - VİDEO

Türkiyənin Böyük Millət Məclisinin (parlament) PKK terroçularını dəstəkləyən üzvlərinin deputat toxunulmazlığı ləğv ediləcək. 

Oxu.Az TRT Haber-ə istinadən xəbər verir ki, bu barədə Türkiyənin baş naziri Əhməd Davudoğlu bildirib. 

Bu ərəfədə Türkiyə parlamenti bir sıra deputatların toxunulmazlığının ləğv edilməsinə dair qərar qəbul edib. HDP deputatları qərar qəbul edildikdən sonra məclisi terror Kürdüstan işçi partiyasının marş sədaları altında tərk ediblər. 

Bu qərarın lehinə Ədalət və İnkişaf Partiyası, Cümhuriyyət Xalq Partiyası (CHP) və Millətçi Hərəkat Partiyasının (MHP) deputatları səs verib, bu zaman Xalqların Demokratik Partiyasının (HDP) deputatları iclas zalını tərk ediblər. 

Qərarın qəbul edilməsi AKP və HDP deputatları arasında dava ilə nəticələnib. 

Kütləvi davaya çevrilən mübahisənin səbəbkarı HDP-nin erməni əsilli deputatı Haro Paylan olub.

Qeyd edilir ki, türk parlamentində davaların əsas səbəbkarları kürdyönümlü deputatlardır, onlar təxribatçı bəyanatlar edir, ya da ki davaya sövq edirlər. 

“Özləri tükənərkən, siyasəti də tükətmək istəyirlər və məclisi davanın, qalmaqalın və özbaşnalığın ünvanı kimi göstərmək istəyirlər. Əmin olun ki, Diyarbəkir Ulu Caminin qardaşı Bursa Ulu Camini qana bulamaq istəyən cani terror qruplaşmasını dəstəkləyən hər kəsə mütləq, amma mütləq toxunulacaq”, - Türkiyənin baş naziri Əhməd Davudoğlu Türkiyənin Böyük Millət Məclisinin iclasında bildirib. 

Erməni deputat Türkiyə parlamentində dava saldı - VİDEO

www.oxu.az