Ermənistanın Kotayski vilayətində Lernanist kəndində ərzaq mağazası çöküb.
Oxu.Az erməni KİV-ə istinadən xəbər verir ki, bu barədə kənd administrasiyasının rəhbəri Artem Ayrapetyan məlumat yayıb.
“Hazırda hadisə yerində işləyirik, dəqiq nə baş verdiyini bilmirik. Altı nəfər xəsarət alan var, onlar xəstəxanaya çatdırılıblar, başqa təfərrüat yoxdur”, - Ayrapetyan deyib.
İlkin məlumata görə, mağazanın çökməsi nəticəsində iki nəfər ölüb, xilasedicilər onların meyitlərini dağıntılar altından çıxarmağa çalışırlar.
N.O.
www.oxu.az
