Ermənistanın Korrupsiyaya qarşı Mübarizə Komitəsi ombudsman Anait Manasyana qarşı icraat başladıb.
Oxu.Az xəbər verir ki, bu barədə "Joxovurd" nəşri yazıb.
Bildirilib ki, nəşr bu məsələ ilə bağlı komissiyaya sorğu göndərib. Komissiyadan bildirilib ki, icraat sentyabrın 30-da başladılıb və hazırda baxılma mərhələsindədir.
İcraat zamanı insanın şəxsi və ailə həyatının məxfiliyinin qorunmasının zəruriliyi nəzərə alınaraq məxfi məlumatlar öyrənildiyinə görə, komissiya icraatın detalları və iddiaçı barədə məlumatı açıqlamayıb. Komissiya, həmçinin nəşrdən işin təfərrüatının hələlik açıqlanmamasını xahiş edib.
İcraat ilin sonuna qədər başa çata bilər.
