Ermənistanda müxalifyönlü "Antifake" nəşrinin jurnalisti David Fidanyan istintaq təcridxanasından azadlığa buraxılıb.
Oxu.Az Ermənistan KİV-ə istinadən xəbər verir ki, bu barədə onun vəkili Varazdat Arutyunyan bildirib.
Xatırladaq ki, noyabrın 13-də hüquq-mühafizə orqanları Antifake.am saytının ofisində axtarış aparıb və internet-resursun bütün texnikasını müsadirə ediblər. Həmçinin axtarışlar zamanı ədalət mühakiməsinə maneçilik törətməkdə şübhəli bilinərək Antifake.am-ın daha bir jurnalisti David Fidanyan 72 saat müddətinə saxlanılıb. Noyabrın 14-də isə saytın başqa bir əməkdaşı İşxan Xosrovyan saxlanılıb və altı saat sonra azadlığa buraxılıb.
