Ermənistanda saxlanılan "Antifake" nəşrinin jurnalisti İşxan Xosrovyan azadlığa buraxılıb.
Oxu.Az xəbər verir ki, bu barədə vəkil Ruben Melikyan özünün sosial şəbəkə hesabında məlumat yayıb.
Onun sözlərinə görə, KİV nümayəndəsi saxlanılandan altı saat sonra azad edilib.
İrəvanda "Antifake" nəşrinin daha bir jurnalisti - İşxan Xosrovyan saxlanılıb.
Oxu.Az Ermənistan mətbuatına istinadən xəbər verir ki, bu barədə vəkil Ruben Melikyan sosial şəbəkə hesabında məlumat paylaşıb.
Noyabrın 13-də "İmnemnimi" podkastının müxalif aparıcıları Vazgen Saqatelyan və Narek Samsonyanın həbsindən sonra "Antifake" nəşrinin ofisində axtarışlar aparılıb. Az sonra jurnalist David Fidanyan da saxlanılıb.
Vəkil bildirib ki, Xosrovyan onunla əlaqə saxlayıb və saxlanması barədə məlumat verib:
"Xosrovyan hazırda polis bölməsindədir, oradan İstintaq Komitəsinə aparılmalıdır".
Vəkil bildirib ki, təhlükəsizlik qüvvələrinin hərəkətləri nəşrin fəaliyyətini dayandırmaq məqsədi daşıyır.
Xatırladaq ki, noyabrın 13-də səhər saatlarında maskalı hüquq-mühafizə orqanlarının əməkdaşları "İmnemnimi" podkastının aparıcıları Narek Samsonyan və Vazgen Saqatelyanın evlərinə basqın edərək, axtarış apardıqdan sonra onları İstintaq Komitəsinə aparıblar. Onların vəkili Ruben Melikyan daha sonra bildirib ki, təqsirləndirilən bloqerlər xuliqanlıq ittihamı ilə saxlanılıblar. Məhkəmə Saqatelyan və Samsonyanın həbsinə qərar verib.
