Ermənistanda səhər saatlarından kütləvi həbslər dalğası başlayıb.
Bu barədə erməni vəkil Ruben Melikyan məlumat verib.
Onun məlumatına görə, Martuni, Qavar, Vanadzor, Ucan və İrəvanda etiraz hərəkatının tərəfdarları saxlanılırlar.
Ruben Melikyan bildirib ki, hazırda 11 nəfərin saxlanıldığı məlumdur, lakin onların hansı əsasla saxlandığı barədə məlumat verilmir. Hələlik rəsmi məlumat da yoxdur.
Xatırladaq ki, bir gün əvvəl "Daşnaksütyun" partiyasının üzvlərinin evlərində axtarışlar aparılıb və bəzi üzvləri saxlanılıb.
Mənbə: Erməni KİV
