Ermənistanın Antikorrupsiya Məhkəməsi keçmiş prezident Serj Sarqsyan barəsində ölkədən çıxış qadağasını ləğv edib.
Oxu.Az Ermənistan KİV-ə istinadən xəbər verir ki, məhkəmə eyni zamanda qətimkan tədbirini - 30 milyon dram (təxminən 75 min dollar - red.) həcmində girovu dəyişməz olaraq saxlayıb.
Xatırladaq ki, prokuror sentyabrın 2-də müdafiə naziri işlədiyi dövr ərzində torpaq sahələrin mənimsənilməsi işi çərçivəsində keçmiş prezidentdən təxminən 4 milyard dram (təxminən 10.4 milyon dollar - red.)) məbləğində pul alınmasını tələb etmişdi.
Baş Prokurorluq daha əvvəl Sarkisyana qarşı xüsusilə böyük miqdarda oğurluğun 18 epizodu, xüsusilə böyük miqdarda çirkli pulların yuyulmasının iki epizodu və buna kömək etməyə görə üç epizod barədə yeni ittiham irəli sürüb.
