Ermənistanın Avstriyadakı konsulu Aşxen Aleksanyan təxminən iki ay əvvəl Ermənistana qayıdarkən casusluq ittihamı ilə saxlanılıb.
Oxu.Az-ın xəbərinə görə, bu barədə Ermənistanın "Hraparak" qəzeti Xarici İşlər Nazirliyinin keçmiş əməkdaşına istinadən yazıb.
Qəzetin məlumatına görə, Ermənistan Milli Təhlükəsizlik Xidməti bununla bağlı ölkənin Xarici İşlər Nazirliyinin binasında axtarışlara başlayıb, kompüterlər və sənədlər yoxlanılıb.
Nəşr iddia edir ki, qalmaqal yaşanmaması üçün hadisə ilə bağlı bilərəkdən ictimaiyyətə məlumat verilməyib.
