İyulun 13-dən Suriyanın cənubundakı Əs-Süveyda əyalətində davam edən silahlı toqquşmalarda 298 dinc sakin həlak olub, icmalararası qarşıdurmada ölənlərin ümumi sayı 1 119 nəfərə çatıb.
Oxu.Az-ın xəbərinə görə, bu barədə "Sky News Arabia" telekanalı məlumat verib.
Qeyd edək ki, daha əvvəl 940 nəfərin öldüyü bildirilirdi.
Telekanalın məlumatına görə, druzların özünümüdafiə dəstələrinin sıralarında 427 döyüşçü həlak olub. Sabitliyi bərpa etmək üçün Dəməşqdən cənub bölgələrə göndərilən Daxili İşlər və Müdafiə nazirliklərinin xüsusi təyinatlıları 354 hərbçini, hökumətyönlü ərəb qəbilə birləşmələri isə 21 milisi itirib. Daxili təhlükəsizlik qüvvələrinin daha 19 əməkdaşı İsrailin hava hücumları nəticəsində həlak olub.
