İtaliyada aktiv vulkan olan Etna yenidən fəallaşıb. Son həftələrdə kül və lava püskürən vulkan yenidən narahatlıq yaradıb.
Ölkənin cənubundakı Siciliya adasında hündürlüyü 3 min 200 metr civarında olan Etna vulkanı fevralın 10-da baş verən intensiv vulkanik fəaliyyətdən sonra bu gün (fevralın 21-də) il ərzində ikinci vulkanik fəaliyyətini yaşayıb.
İtaliya Milli Geofizika və Vulkanologiya İnstitutunun (INGV) məlumatına görə, vulkanın püskürdüyü kül təxminən 11 min metr yüksəkliyə çatıb. Vulkanın cənub-şərq kraterindən lavanın axdığı, bölgədə çoxlu vulkanik zəlzələlərin yaşandığı da qeyd edilib.
Vulkanın ətrafındakı hava məkanının kül buludu səbəbindən bağlandığı, ehtiyat tədbiri olaraq Kataniya aeroportunda uçuşların dayandırıldığı bildirilib.
Vulkana yaxın yaşayış məntəqələrində güclü kül püskürməsi nəticəsində evlərin üzəri boz təbəqə ilə örtülüb.
Qeyd edək ki, ötən il Etna dağında 50-dən çox vulkanik fəaliyyət müşahidə edilib.
Etna, a new eruption begins. #Sicily. #Italy #volcano #eruption #volcanoes #Etna pic.twitter.com/cx29HWdPeJ
— НОВОСТИ/ПРОИСШЕСТВИЯ (@News_Incidents) February 21, 2022
Si è concluso da pochi minuti il secondo violento evento parossistico dell'anno del cratere di sud-est dell'#Etna. Questa volta la nuova vetta del vulcano attivo più alto d'Europa ha alimentato fontane di lava alte diverse centinaia di metri e una colonna eruttiva alta 11 km. pic.twitter.com/syP8DAa1ow
— Il Mondo dei Terremoti (@mondoterremoti) February 21, 2022
Mənbə: “Haber Global”
