Fevralın 15-də "Telegram" mesajlaşma tətbiqinin administratorları 235 282 kanalı və qrup söhbətlərini bağlayıblar. Bu, 300 840 icmanın məhdudlaşdırıcı tədbirlərə məruz qaldığı yanvarın 23-dən bəri ən yüksək rəqəmdir.
Oxu.Az-ın RİA Novosti-yə istinadən verdiyi məlumata görə, bu rəqəmlər platformanın rəsmi statistikasına daxil edilib.
Fevralın əvvəlindən "Telegram"da 1 856 069 açıq səhifə və qrup qadağan edilib. Bu ilin əvvəlindən isə statistikaya baxdıqda silinən resursların ümumi sayı 7 256 305-ə çatıb ki, bunlardan 27 282-si terror fəaliyyəti ilə bağlı olub.
Şirkət bildirib ki, 2015-ci ildən bəri moderasiya sistemi istifadəçi rəylərinə və maşın öyrənməsinə əsaslanır. 2024-cü ilin əvvəlində isə süni intellekt alətləri ilə bu sistem təkmilləşdirilib.
