Türkiyə İranın nüvə proqramı ilə bağlı danışıqların bərpasının mümkünlüyünə dair ABŞ-nin mövqeyini Tehrana çatdırıb.
Oxu.Az xəbər verir ki, bu barədə Türkiyənin xarici işlər naziri Hakan Fidan Braziliyada keçirilən BRICS sammitində iştirakından sonra "TRT Haber"ə bildirib.
"Hazırda atəşkəs rejimi qüvvədədir. Tərəflərin buna riayət etdiyini görürük. Bununla belə, nüvə proqramı ilə bağlı danışıqların bərpasına dair qeyri-müəyyənlik var", - deyə XİN rəhbəri qeyd edib.
Onun sözlərinə görə, o, bu məsələni sammit çərçivəsində iranlı həmkarı Abbas Əraqçı ilə müzakirə edib.
"ABŞ tərəfinin fikirləri İrana çatdırılıb", - deyə o vurğulayıb.
Fidan əlavə edib ki, dörd gün əvvəl ABŞ-nin xüsusi nümayəndəsi Stiven Uitkoff ilə məsələni müzakirə edib.
"Ümid edirik ki, bu problemin tezliklə danışıqlar yolu ilə həlli tapılacaq", - deyə Türkiyə XİN rəhbəri qeyd edib.
