Filippində avtomobil dini yürüşdə iştirak edən insanlara çırpılıb: Ölənlər və yaralananlar var

Cümə günü axşam saatlarında Filippinin Qərbi Neqros əyalətində avtomobilin dini yürüşdə iştirak edən insanlara çırpılması nəticəsində iki nəfər ölüb, doqquz nəfər yaralanıb.

Oxu.Az xəbər verir ki, bu barədə yerli polis məlumat yayıb.

Məlumata görə, insident Bakolod şəhərində insanlar Ehtiraslı Cümə gününə həsr olunmuş yürüşdən kilsəyə qayıdarkən baş verib.

İlkin araşdırmalara görə, içərisində sürücü də daxil olmaqla, beş Hindistan vətəndaşının olduğu avtomobil üçtəkərli velosipedə, polis patrul maşınına və yürüşdə iştirak edən dindarlara çırpılıb.

Sürücü həbs edilib. Onun sərxoş olması ilə bağlı şübhələr var.