Filippində 82 yaşlı Tomas Markla - Sasseks hersoginyası Meqan Marklın atasına qarşı ittihamlar irəli sürülüb.
Oxu.Az "Page Six" nəşrinə istinadən xəbər verir ki, o, yetkinlik yaşına çatmayanlara qarşı seksual zorakılıq görüntülərini yaymaqda və saxlamaqda şübhəli bilinir.
Daha əvvəl yerli polis Sebu əyalətində Tomas Marklın evindən götürülmüş əşyaların yoxlanılması üçün məhkəmə qərarı alıb.
Noyabrın əvvəlində Tomas Markl Floridada həbs edilib. Noyabrın 6-da keçirilən məhkəmə iclasından sonra o, girov müqabilində sərbəst buraxılıb və demensiya xəstələri üçün nəzərdə tutulmuş pansionata qayıdıb. Lakin bir neçə gün sonra elektron qolbağını çıxardığı üçün yenidən saxlanılıb.
Sasseks hersoginyasının atası irəli sürülən ittihamlar üzrə təqsirli bilinərsə, onu 20 ilədək həbs cəzası gözləyə bilər.