Finlandiyada birinci sinif şagirdləri Rusiya sərhədini keçiblər

Finlandiyanın Rusiya ilə sərhədinə yaxın axan Kokkola çayına ekskursiyaya gedən Savonlinna şəhərindən olan birinci sinif şagirdləri tədbirdə iştirak etmək əvəzinə sərhədi keçiblər.

Oxu.Az bu barədə TASS-a istinadən xəbər verir.

Məlumata görə, digərlərindən ayrılan beş-altı şagird meşəyə, sərhəd xəttinə qədər gedib və Rusiya tərəfinə keçib. Məktəblilər qırmızı-yaşıl sərhəd sütununun yanından keçərkən özlərini lentə alıblar.

Finlandiya sərhədçiləri məktəbliləri saxlayıblar. Adı açıqlanmayan məktəb direktorunun sözlərinə görə, faktla bağlı araşdırma aparılır.