Fransa prezidenti Pavel Durovun həbsinə münasibət bildirdi

"Telegram" mesencerinin təsisçisi Pavel Durov Fransada davam edən məhkəmə istintaqı çərçivəsində saxlanılıb".

Oxu.Az xəbər verir ki, bu barədə Fransa Prezidenti Emmanuel Makron "X" sosial şəbəkəsindəki hesabında yazıb.

"Bu, heç bir halda siyasi qərar deyil. Qərarı hakimlər verməlidirlər", - o yazıb.

Makron qeyd edib ki, Fransa söz azadlığını dəstəkləyir:

"Mən burada Pavel Durovun həbsindən sonra Fransa ilə bağlı yalan məlumatlar oxuyuram. Fransa ifadə və ünsiyyət azadlığına, innovasiyaya və sahibkarlığa həmişəkindən daha sadiqdir. Bu, belə də qalacaq.

Sosial mediada qanunun aliliyi çərçivəsində, real həyatda olduğu kimi, vətəndaşların müdafiəsi və onların əsas hüquqlarına hörmət edilməsi üçün azadlıq qanunla müəyyən edilmiş çərçivədə realizə edilir. Qanunun icrası tam müstəqilliyə malik olan məhkəmələrə həvalə olunub".

Je lis ici de fausses informations concernant la France suite à l’arrestation de Pavel Durov.

La France est plus que tout attachée à la liberté d’expression et de communication, à l’innovation et à l’esprit d’entreprise. Elle le restera.

Dans un État de droit,…

— Emmanuel Macron (@EmmanuelMacron) August 26, 2024