Fransada özəl klinikalardan birində 66 yaşlı Jerar həkimin onun bədənində təxminən 20 sm uzunluğunda sıxac unutduğunu öyrənib.
Oxu.Az xəbər verir ki, bu barədə "20minutes.fr" nəşri məlumat verib.
Hadisə Marseldə Jerar adlı pasiyentin qarın nahiyəsində həyata keçirilən əməliyyat zamanı baş verib. Təcrübə keçən gənc həkim tibbi aləti təsadüfən xəstənin bədənində unudub.
Sıxac Jerarın sağlamlığını ciddi şəkildə təsir edib. Həkimin səhvindən sonra o, qarın nahiyəsində əməliyyat da daxil olmaqla üç fərqli əməliyyat keçirmək məcburiyyətində qalıb. Həkimlərin fikrincə, artıq bu faciəvi səhvin fiziki və psixoloji nəticələrini aradan qaldırmaq mümkün deyil. İndi Jerarın qarnı deformasiyaya uğrayıb.
