Fransada Yeni il şənlikləri zamanı 800-dən çox avtomobil yandırılıb.
Oxu.Az bu barədə BFMTV telekanalına istinadən xəbər verir.
Polisin ilkin hesabatına görə, dekabrın 31-dən yanvarın 1-nə keçən gecə ümumilikdə 813 avtomobil yandırılıb.
Ən çox vandalizm hadisəsi Strasburq şəhərinin yerləşdiyi Aşağı Reyn departamentində qeydə alınıb - orada 117 avtomobil yanıb.
Fişənglərin atılması zamanı azı iki nəfərin barmaqları qopub. Yeni il gecəsi Fransada asayişin qorunmasına 90 min polis cəlb edilib. Onların bir qismi hücuma məruz qalıb.
Paris polisi Yeni il gecəsi zorakılıq aktları, vandalizm və narkotik ticarəti ilə əlaqədar 125 nəfəri saxlayıb.
