Gürcüstan hökumətində kadr dəyişiklikləri: DTX-nin rəhbəri nazir təyin olundu

Gürcüstanda Regional İnkişaf Nazirliyi yaradılacaq.

Oxu.Az-ın "Sputnik Gürcüstan"a istinadən xəbərinə görə, bu barədə Gürcüstanın Baş naziri İrakli Kobaxidze keçirdiyi brifinq zamanı məlumat verib.

Hökumətdə kadr dəyişiklikləri barədə danışan Kobaxidzenin sözlərinə görə, Gürcüstanın Regional İnkişaf Nazirliyi müstəqil qurum kimi formalaşacaq. Yeni quruma Gürcüstan Dövlət Təhlükəsizlik Xidmətinin hazırkı rəhbəri Qriqol Liluaşvili rəhbərlik edəcək.

Liluaşvilinin köhnə postunu Ədliyyə Nazirliyinin rəhbəri Anri Oxanaşvili tutacaq. Yeni ədliyyə naziri isə hakim partiyanın deputatı Paata Salia olacaq.