"Haber Global": Putinlə Trampın görüşü üçün zəmin hazırlanır

"Haber Global" televiziya kanalında bu saatlarda Səudiyyə Ərəbistanının paytaxtı Ər-Riyadda davam edən ABŞ-Rusiya danışıqları təhlil edilib.

Oxu.Az xəbər verir ki, verilişin qonaqları siyasi ekspert İlyas Bozkurt və jurnalist Güngör Yavuzaslan olub.

Verilişdə ABŞ və Rusiya rəsmilərinin görüşündə əldə ediləcək nəticələrin Rusiya-Ukrayna münaqişəsinə təsirləri müzakirə olunub.

"Biz dəfələrlə qeyd etmişik, Donald Trampla Vladimir Putin arasında şəxsi münasibətlər var. Donald Tramp 1990-cı ildə Rusiya sərmayəsi ilə varlanmış iş adamıdır, üstəlik, rusiyalı oliqarxlarla çox yaxın münasibətləri var. Bu səbəbləri əsas götürərək, Donald Trampın prezident seçiləcəyi təqdirdə Moskvanın rahatlanacağını dəfələrlə söyləmişdik", - deyə siyasi ekspert İlyas Bozkurt vurğulayıb.

Ekspert fikrinin davamında qeyd edib ki, hazırda ABŞ və Rusiya arasında davam edən təmasların əsas məqsədi Vladimir Putinlə Donald Trmpın görüşü üçün zəmin hazırlamaqdır.

"Haber Global": Putinlə Trampın görüşü üçün zəmin hazırlanır