Həbsdən çıxan Usman Sonko Seneqalın baş naziri oldu

Böhtana görə həbs olunan Usman Sonko Seneqalın yeni baş naziri olub. O və prezident seçkisində qalib gələn müxalifət namizədi Bassir Diomai Fay bir neçə həftə öncə həbsdən azad ediliblər.

Sonko Seneqalın keçmiş prezidenti Maki Sallın kəskin əleyhidarıdır.

Yeni baş nazir həbs cəzasına məhkum edildiyi üçün martın 24-də keçirilən prezident seçkisində iştirakdan kənarlaşdırılmışdı.

O, hər hansı bir qanun pozuntusunu rədd edib və tərəfdarlarını Faya səs verməyə çağırıb. Bununla da Sonko özünə yüksək vəzifə qazanıb.

Mənbə: octagon.media