Hindistan baş nazirini 8 martda iki mindən çox qadın qoruyacaq

Hindistanın Baş naziri Narendra Modinin iştirak edəcəyi ictimai tədbirin keçiriləcəyi yerin təhlükəsizliyini müstəsna olaraq, qadınlardan ibarət polis dəstələri və təhlükəsizlik xidməti təmin edəcək.

Oxu.Az "Deccan Herald"a istinadla xəbər verir ki, tədbir 8 Mart - Beynəlxalq Qadınlar Günündə Qucarat ştatında keçiriləcək.

Ştatın daxili işlər naziri Harş Sanqhavi bildirib ki, həmin gün polisin fəaliyyətində yeni mərhələ olacaq:

"Asayişin təmin edilməsinin, tədbirin idarə edilməsinin bütün aspektlərinə iki mindən çox qadın zabit və əməkdaş tərəfindən nəzarət ediləcək".