Hindistan Pakistanla sərhəddə hərbi təlimlər keçirəcək

Hindistanın hava qoşunları Pakistanla sərhəddə təlimlər keçirəcək.

Bu barədə Oxu.Az "Indian Express" nəşrinə istinadla xəbər verir.

Mayın 7-də başlayacaq hərbi təlimlər mayın 9-da başa çatacaq.

Bu dövr ərzində sərhədin yaxınlığında yerləşən aeroportların işi dayandırılacaq.

Qeyd edək ki, Hindistan-Pakistan münasibətlərində gərginlik aprelin 22-də törədilmiş terror aktından sonra baş verib. Cammu və Kəşmir bölgəsində baş verən atışmada 26 nəfər ölüb. Hindistan Pakistanı hücumda iştirakda ittiham edir. İslamabad, öz növbəsində, bunu inkar edir və müstəqil araşdırma aparılmasını tələb edir.