Hindistan və Pakistan arasında atəşkəs "WhatsApp" vasitəsilə əldə edilib - AÇIQLAMA

Hindistan və Pakistan arasında atəşkəsin necə əldə edilməsinin təfərrüatı məlum olub.

Oxu.Az "GeoTV" telekanalına istinadla xəbər verir ki, Pakistanın xarici işlər naziri İshaq Dar atəşkəs razılaşmasının əldə edilməsində "WhatsApp" diplomatiyası"na diqqət çəkib.

Onun sözlərinə görə, bu çərçivədə Böyük Britaniyanın xarici işlər naziri Devid Lemmi, Səudiyyə Ərəbistanın vəliəhdi Məhəmməd bin Salman və Türkiyənin xarici işlər naziri Hakan Fidan ilə ətraflı danışıqlar aparılıb:

"Bu ölkələr də işin içində olublar. Bu gün arxa planda aparılan "WhatsApp" diplomatiyası" davam edib", - deyə pakistanlı nazir bildirib.