Hindistan və Pakistanın hərbi əməliyyat komandirləri atəşkəslə bağlı danışıqlar aparırlar

Hindistan və Pakistan arasında hərbi əməliyyat komandirləri səviyyəsində telefon vasitəsilə danışıqlar aparılır.

Oxu.Az-ın xəbərinə görə, bu barədə "News18" telekanalı məlumat verib.

Bildirilib ki, danışıqlar iki ölkə arasında atəşkəs razılaşması mövzusunda aparılır.

14:16

Hindistan və Pakistan arasında hərbi əməliyyatların komandirləri səviyyəsində danışıqlar təxirə salınıb.

Oxu.Az xəbər verir ki, bu barədə "Reuters" agentliyi Hindistan Silahlı Qüvvələrinə istinadən məlumat yayıb.

Danışıqlar Hindistan vaxtı ilə günorta saatlarında (Bakı vaxtı ilə 10:30-da - red.) iki ölkə arasında telefon qaynar xətti ilə baş tutmalı idi. Bu barədə mayın 10-da Hindistan Xarici İşlər Nazirliyi Hindistan-Pakistan sərhədində atəşi və hərbi əməliyyatları dayandırmaq barədə razılığa gəldiyini elan edəndən sonra açıqlama verilib.

Məlumata görə, hərbi komandirlər arasında danışıqlar bazar ertəsi axşama qədər təxirə salınıb.