Hindistan və Pakistan sərhədində ardıcıl beşinci gecə atışma qeydə alınıb.
Oxu.Az-ın məlumatına görə, bu barədə Hindistan ordusunun bəyanatında deyilir.
Bildirilir ki, atışma Hindistan və Pakistan arasında Cammu və Kəşmirdə nəzarət xəttində sərhədyanı ərazidə baş verib.
Xəsarət alanlar barədə məlumat daxil olmayıb.
Xatırladaq ki, aprelin 22-də Cammu və Kəşmir bölgəsində terror aktı baş verib. Silahlı döyüşçülər Baysaran vadisindəki cığırla qalxan turistlərə avtomat silahlardan atəş açıblar. Hücum nəticəsində 26 nəfər həlak olub. Terror aktına görə məsuliyyəti Pakistandan əraziyə daxil olan Əfqanıstanın "Müqavimət Cəbhəsi" qruplaşması öz üzərinə götürüb.
Bu hadisənin fonunda Pakistan və Hindistan arasında münasibətlər kəskinləşib. Hindistanın Pakistanla su müqaviləsini 65 ildə ilk dəfə olaraq dayandırması isə iki nüvə dövləti arasında gərginliyi artırıb. Pakistan rəsmiləri bunu "su müharibəsi" adlandırırlar.
