Hindistanın Tehrandakı səfirliyindən İranın XİN başçısına edilən təhqirlə bağlı AÇIQLAMA

Hindistanda televiziya kanallarından birində İranın xarici işlər naziri Abbas Əraqçının təhqir edilməsindən sonra bu ölkənin Tehrandakı səfirliyi məsələni şərh edib.

Oxu.Az xəbər verir ki, məlumatı "Azad İran" yayıb.

"Hindistanın İrandakı səfirliyi videodakı şəxsin Hindistan vətəndaşı olduğunu dəqiqləşdirmək istəyir. Lakin onun açıqlamasının Hindistanın rəsmi mövqeyi ilə heç bir əlaqəsi yoxdur və Hindistan hökuməti videoda istifadə olunan nalayiq ifadəni yersiz hesab edir", - deyə səfirlikdən bildirilir.

Bundan əvvəl İranın Hindistandakı səfirliyi bu hörmətsizliyə cavab olaraq paylaşım edib:

"Qonaqlara hörmət İran mədəniyyətində qədim ənənədir. Biz iranlılar qonaqlarımızı "Allahın sevimlisi" hesab edirik. Bəs siz?", - İranın diplomatik nümayəndəliyi qeyd edib.

10 may, 23:28

Hindistanın milli müdafiə nazirinin baş müşaviri Qarav Arya canlı televiziya proqramında İranın xarici işlər naziri Abbas Əraqçını "donuz" adlandırıb.

Oxu.Az "Azad İran"a istinadən xəbər verir ki, hindistanlı müşavir Əraqçının bir neçə gün öncə Pakistan rəsmiləri ilə görüşdüyünü diqqətə çatdırıb və İranı Pakistanın tərəfini saxlamaqda günahlandırıb.

O, İranı HƏMAS-ı maliyyələşdirən "terrorçu dövlətin sponsoru" adlandırıb.