Rusiya prezidenti Vladimir Putin Şimali Koreya lideri Kim Çen Ina teleqramında onunla görüşməyə hazır olduğunu bildirib.
Oxu.Az xəbər verir ki, bu barədə Şimali Koreyanın rəsmi xəbər agentliyi məlumat yayıb.
“Yaxın vaxtlarda Sizinlə görüşərək, ikitərəfli münasibətlərlə bağlı təcili məsələləri və mühüm regional məsələləri müzakirə etməyə hazıram”, - deyə Putinin Koreyanın yapon işğalından azad olunmasının 73-cü ildönümü ilə bağlı ünvanladığı təbrikdə deyilir.
“Əminəm ki, birgə hərəkətlərimizlə biz – Rusiya, Şimali Koreya və Koreya Respublikası üçtərəfli layihələrdən başlayaraq, qarşılıqlı faydalı əməkdaşlığı gələcəkdə də inkişaf etdirə biləcəyik”, - deyə Putin qeyd edib.
Xatırladaq ki, bundan əvvəl Şimali Koreya lideri Kim Çen In Sinqapurda ABŞ prezidenti Donald Trampla görüşmüşdü.
Rəylər