İndianapolisdəki "Bankers layf fildhaus" idman sarayında "İndiana Peysers" və "Oklahoma Siti Tander" arasında NBA-in pley-off finalının üçüncü oyunu baş tutub.
Oxu.Az xəbər verir ki, oyun meydan sahiblərinin 116:107 hesablı qələbəsi ilə başa çatıb.
Oyunun ən məhsuldar oyunçusu 27 xal toplayan İndiana təmsilçisinin müdafiəçisi Bennedikt Maturin olub. Hücumçu Ceylen Uilyams isə "Oklahoma"ya 26 xal qazandırıb.
"Peysers" "Tander" üzərində ikinci qələbəsini qazanıb və seriyada önə keçib: 2-1. Pley-offun final mərhələsinin növbəti oyunu iyunun 14-də İndianapolisdə keçiriləcək.
