Donald Trampın ABŞ Prezidenti vəzifəsinə başlamasından bəri özəl və xarici şirkətlər ölkə iqtisadiyyatına 1.9 trilyon dollar məbləğində investisiya qoymağı öhdələrinə götürüblər.
Oxu.Az bu barədə "Financial Times"a istinadən xəbər verir.
Ən böyük investorlar arasında "Apple" texnologiya nəhəngi (500 milyard dollar), "SoftBank" telekommunikasiya holdinqi və TSMC mikroçip istehsalçısı (hər biri 100 milyard dollar), Fransanın CMA CGM (20 milyard dollar) gəmiçilik qrupu və "Stellantis" avtomobil konsorsiumu (5 milyard dollar) var.
Lakin bu investisiyaların əhəmiyyətli hissəsi ABŞ-nin Çin, Hindistan, Avrop İttifaqı və Cənubi Koreya daxil olmaqla əsas tərəfdaşları ilə ticarət münaqişələrinin kəskinləşməsi səbəbindən təhlükə altına düşüb.
Ekspertlərin bir qismi hesab edir ki, Trampın proteksionist siyasəti xarici investorları qorxuda bilər.
Digər ekspertlər hesab edirlər ki, ticarət müharibələri, əksinə, reşorinqi - ABŞ şirkətlərinin istehsalının xaricdən geri qaytarılmasını sürətləndirəcək.
"Capgemini Research Institute"un proqnozuna görə, növbəti üç il ərzində ABŞ korporasiyaları istehsal güclərini vətənə köçürmək üçün təxminən 1.1 trilyon dollar xərcləyəcəklər ki, bu da 2024-cü il üçün qiymətləndirmədən (750 milyard dollar) 46% çoxdur.
