Çin 12 günlük İran-İsrail müharibəsinin başa çatmasından sonra Tehrana "HQ-9B" zenit-raket kompleksləri göndərib. Bildirilir ki, İran bu silahların ödənişini Çinə verdiyi neftlə həyata keçirib.
"Azad İran" "Telegram" kanalı xəbər verir ki, bu barədə "Middle East Eye" nəşri məlumat yayıb.
Qeyd olunur ki, "HQ-9B" Çinin uzun mənzilli hava hücumundan müdafiə sistemidir. Kompleks təyyarələrə, raketlərə və helikopterlərə qarşı nəzərdə tutulub. Bundan əlavə, o, ballistik raketləri vurmağa qadir olan ilk Çin istehsalı zenit-raket sistemidir. "HQ-9B" Rusiya istehsalı olan "S-300" bazasında hazırlanıb.
Qeyd edək ki, İranın müdafiə naziri Əmir Nəsirzadə iyunun 26-da, müharibənin bitməsindən iki gün sonra Çinə rəsmi səfər edib.
