İran hökuməti polisləri elektroşok cihazları ilə silahlandırır.
Bu barədə "Azad İran" "Telegram" kanalı xəbər verir.
İranın polis komandanlığının rəis müavini Qasem Rezayi ixtisaslaşmış polislərin elektroşok silahları ilə təmin edilməsinin prioritet olduğuna toxunaraq deyib: "Biz bu silahların tədarükü və istehsalı prosesindəyik, eyni zamanda qüvvələri təchiz etməkdəyik!".
O, polisin elektroşok silahlarla təchiz edilməsini "asayişin və təhlükəsizliyin təmin edilməsi" və "standartlaşdırma"ya uyğunlaşmaq üçün vacib olduğunu bildirib.
"Bu avadanlıq cinayət yerində çox effektivdir və cinayətkarlarla, xüsusən də "quldurlarla" mübarizədə polisə kömək edə bilər", - deyə Qasem Rezayi qeyd edib.
Xatırladaq ki, İranın polis və təhlükəsizlik orqanları bir qrup şübhəli, təqsirləndirilən və ya cinayətkarı "quldur" adlandırır və onlarla sərt davranır.
Rəylər