İran limanındakı güclü partlayış təxribat idimi? - Milli Təhlükəsizlik Komitəsindən AÇIQLAMA

İran Məclisinin (birpalatalı parlament) Milli Təhlükəsizlik Komitəsinin nümayəndəsi Bəndər Abbas şəhərinin Şəhid Rəcai limanında baş verən partlayışın səbəbləri ilə bağlı xarici müdaxilə və ya təxribat versiyalarını inkar edib.

Bu barədə Oxu.Az TASS-a istinadən xəbər verir.

"Mən bildiyim qədər, bunun xarici müdaxilənin nəticəsi olduğuna dair hər hansı bir dəlil yoxdur. Mən təxribat və ya xarici agentlərin müdaxiləsindən bəhs edən heç bir hesabat görməmişəm", - deyə o bildirib.

Parlamentari əlavə edib ki, həmçinin Şəhid Rəcai limanında baş verənlər də müdafiə sektoru və ya silahlı qüvvələrlə əlaqəli deyil.

Qeyd edək ki, ötən gün İran parlamentinin deputatı Məhəmməd Mehdi Şəhriyari Şəhid Rəcai limanındakı partlayışın təxribat nəticəsində baş verə biləcəyi ehtimalını dilə gətirib.