İrana bağlı qruplaşma Nigeriyanın paytaxtında terror aktı törədib

Nigeriya polisi bildirib ki, iyulun 24-də İrana bağlı qruplaşma Abuca şəhərində iki polisi öldürüb, daha üç nəfəri yaralayıb.

"Azad İran" "Telegram" kanalının məlumatına görə, terrorçular üç polis avtomobilini də yandırıblar.

Bildirilib ki, terror aktını qadağan edilmiş Nigeriya İslam Hərəkatı törədib.

Polis nəzarət-buraxılış məntəqəsinə hücumda şübhəli bilinən bir neçə şəxs həbs edilib.

Xatırladaq ki, sözügedən qrupun fəaliyyəti 2019-cu ildən Nigeriyada qadağan edilib. Qruplaşmanın ruhani lideri İbrahim Zəkzaki və arvadı beş il həbsdə saxlanıldıqdan sonra 2021-ci ildə azadlığa buraxılıblar. Onlar ötən il İrana səfər edərək ölkənin Ali Lideri Əli Xamenei ilə görüşüblər.